Tur 5 desishon aprobá unánimemente riba e Reunion di Toma di Desishon (BVR) di 9 di aprel 2024.

Den e reunion di toma di desishon di dia 9 di aprel, Konseho Insular a aprobá tur e 5 dokumentonan riba e lista di voto unánimemente.
Despues di algun kambio, henter Konseho Insular a bai di akuerdo ku e ‘Deliberashonnan tokante reakshon komun relashoná ku Konseho Insular, Kolegio Ehekutivo i Gezaghèber’, e dokumento ku ta ekspresá e reakshon na Sekretario di Estado tokante e revishon di WolBES i FinBES ku tin Konseho Insular komo e haladó, e moshonnan tokante akshon kontra e efektonan di kambio di klima na Boneiru i vehíkulonan no usá, e proyekto di regulashon di archivo Boneiru 2023 i e promé amienda di presupuesto 2024.

E reakshon konhunto di 12 página pa e Sekretario di Estado pa Relashonnan den Reino tokante e revishon di WolBES i FinBES ta prinsipalmente un pleitu argumentá pa mas konfiansa, mas libertat di maneho lokal, preservashon di outonomia lokal, trabou na midí i trato igual di entidatnan públiko kompará ku otro entidatnan desentralisá, manera e provinsianan i munisipionan na Hulanda Oropeo. E amiendanan di ámbos lei proponé pa Konseho Insular, Konseho Ehekutivo i gabinete di gezaghèber no solamente mester kondusí na simplifikashon di lei i regulashon i na un liberashon di e eksigensianan, pero mas importante ainda na diferensiashon for di Hulanda Oropeo denter di e sistema konstitushonal aktual i na un nivel ekivalente di fasilidatnan. Ademas, e proposishonnan aktual pa kambio tin komo meta pa garantisá e partisipashon di Boneiru den e fase preliminar di un maneho i legislashon nobo i pa garantisá ku ta enfoká riba e prioridatnan di Boneiru i ku e isla ta haña kontrol den e implementashon.

E moshon aprobá tokante akshon kontra e efektonan di kambio di klima na Boneiru mester sòru pa Kolegio Ehekutivo (BC), huntu ku gobièrnu di reino, establesé e reunion di klima anunsiá na novèmber 2023 mas pronto posibel i nombra e presidente independiente ku huntu ku e stakeholdernan mester traha un plan di klima ku ta sostené konhuntamente. Pa hasi esaki posibel ta supliká Kolegio Ehekutivo pa establesé e ofisina di proyekto ku lo mester fasilitá e presidente independiente, pa start konhuntamente ku reino e kampaña di informashon pa e habitantenan di Boneiru i pa pone e fondo disponibel pa e reunion di klima, pa e ofisina di proyekto, pa e desaroyo di e plan di klima i pa e kampaña di informashon.

Den e moshon tokante vehíkulonan no usá, Konseho Insular ta pidi BC, pa den kontakto ku Ministerio di Asuntunan Ekonómiko i Ministerio di Infrastruktura i Medio Ambiente, pa ordená un investigashon riba un sistema di kolekshon i resiklahe di restu di outo i tayer di outo pa un posibel Stichting Autorecycling Bonaire. Pa e meta akí tambe ta pidi BC pa konsultá ku Auto Recycling Nederland (ARN) i, huntu ku ARN, pa investigá e posibilidatnan pa yega na un ekosistema boneriano di resiklahe di restu di outo, tayer di outo, partinan di outo, zeta di motor i di kushina i restu di kombustibel, inkluso establesé kurso di MBO nesesario pa esaki.

E Lei di Archivo BES ta stipulá ku e kuido i supervishon di archivá informashon di e entidat públiko ta organisá den un ordenansa insular. E Ordenansa di Archivo di Boneiru 2023 ku ta akseptá, ta basá riba e ordenansa di archivo ku e Asosiashon di Munisipionan Hulandes (VNG) a ofresé na munisipionan na Hulanda Oropeo. E ordenansa a drenta na vigor entrante 1 di yanüari 2023. Banda di e deber di kuido di BC, tambe e tareanan di e sekretario di e isla òf, si tin esaki apuntá, e archivario di e isla i e posibilidat di registrá dokumentonan di archivo privá den e banko di archivo ta inkluí den e ordenansa di archivo.

Ounke e Kolegio di Supervishon finansiero (CfT) na febrüari 2024 ainda tabata konsiderá ku e promé amienda di presupuesto (BW) di 2024 no tabata kumpli sufisientemente ku e kriterionan di e lei di FinBES i e dekreto di presupuesto i responsabilidat di e entidatnan públiko BES (BBV), ku tabata trata spesífikamente di e retiro for di e reserva general i realisashon di e gastunan ku awor ta presupuestá pa 2024, Kolegio Insular a aprobá e promé BW 2024.
Por ehèmpel, tin un suma di 23.25 mion di fondo restante di benefisionan ekstraordinario (BU) ku tabata disponibel na 2023 i na 2024, na final di 2023 a risibí BUnan ku lo proyektá den 2024 manera e otro diferente restantenan, i ta proponé pa usa un suma di 5 mion na espasio den e reserva general, pa kompra stratégiko di propiedat inmóbil i asuntunan relashoná ku esaki.