Resúmen di BvR 11 di yüni 2024

Tres desishon pasá sin deliberashon den BVR di 11 di yüni 2024

E kuentanan anual di 2023 di Entidat Públiko Boneiru (EPB/OLB), e proyekto di ordenansa pa kambia e ordenansa di impuesto di turismo di Boneiru 2022 i e desishon di Konseho Insular pa instituí investigashon di Konseho Insular i e ordenansa di enkuesta di Konseho Insular di Boneiru a keda aprobá unánimemente i sin deliberashon pa Konseho Insular durante e reunion di toma di desishon di 11 di yüni. Ounke ku votashon na inisio no tabata realmente nesesario pa motibu di e stipulashon i aprobashon sin deliberashon di e punto di agènda en kuestion, a presentá e dokumentonan tòg formalmente pa votashon ku e mesun resultado.

Relashoná ku e kuenta anual di 2023, Konseho Insular a disidí no solamente pa aprobá e kuenta anual di 2023, pero tambe pa traspasá e saldo negativo di e kuenta anual di USD 3,353,000 mion pa reserva general. E resultado negativo ta kousá prinsipalmente pa un kantidat di diferensia hopi grandi den vários funshon prinsipal, manera e pago di interes mas abou di e Kolegio di Supervishon Finansiero, e atministrashon den forma di 'buk af' di e ganashi di e belasting di bishitante ku estadia ('logeergastenbelasting')/outo di hür, e pago di ABB di e periodo 2019-2023, e oumentu di e provishon pa debedornan i e oumentu di gastu pa e areglo di séniòr. Sinembargo, e akountentnan independiente ta konkluí den nan relato final di akountent ku nan por duna un un deklarashon di aprobashon tokante legitibilidat i konfiabilidat. Den nan deklarashon di kontrol, nan ta indiká tambe ku e informashon di kontrol ku nan a risibí ta sufisiente i adekuado komo base pa nan desishon. Pa loke ta e Kontribushon Spesial, 2023 a kuminsá ku un suma di 44.6 mion USD dòler, a entregá un suma di 33.4 mion USD dòler na kontribushon nobo i a usa USD dòler 48.3 mion dòler na vários aktividat.

Vários miembro di Konseho Insular a ekspresá nan apresio ora di aprobá e proyekto di ordenansa ku ta kambia e regulashon di impuesto turístiko Boneiru 2022. E amiendanan na e proyekto di ordenansa ta e resultado di e di promé i e di dos evaluashon di e ordenansa i su diskushon den Konseho Insular na desèmber 2022 i mart di e aña akí. E akuerdo di Konseho Insular ta hasi posibel pa entrante 1 di yüli 2024 yunan di tera ku no ta biba na Boneiru paga un tarifa redusí di USD 10 dòler, ku pa studiantenan ku no ta kai bou di e definishon di e Lei di Finansa pa Bekado, risibí un tarifa sero i pa prolongá e periodo di balides di e belasting te ku un luna. 
E tres kambionan den e tarifa diario pa bishitantenan di dia, opshonnan di restitushon mas amplio pa yunan di tera i potensial residentenan di Boneiru i e opshon di eksonerashon pa Kolegio Ehekutivo lo no drenta na vigor entrante 1 di yüli, pasobra ainda mester elaborá mas tantu tokante e faktibilidat i e realisashon legal. Ademas, a resultá ku e eksonerashon pa atletanan ku ta partisipá na torneonan interinsular i internashonal ta legalmente difísil pa hustifiká i demasiado kompliká pa implementá. Pues, huntu ku e sektor di deporte, ta investigá si por logra esaki di un manera diferente pa medio di un tipo di supsidio.
En bista di e kuadro di e hurídiko, e tres amiendanan ta kumpli ku e prinsipionan di legibilidat, igualdat i proporshonalidat. Por ehèmpel, e kobransa ta keda denter di e límitenan di e Lei FinBES, e kobransa ta buska pa kumpli ku e kriterionan stipulá den e Lei di Atmishon i Ekstraditá BES i e Lei Finansiamentu di Beka BES.

 
Basá riba e dos moshonnan unánimemente aprobá relashoná ku e institushon di un Komishon di Investigashon di Konseho Insular ku lo bai investigá e integridat atministrativo relashoná ku e asuntu di duna pèrmit i ehekushon di mantenshon di regulashon eksistente (11-10-2022) i e institushon di un investigashon di Konseho Insular den e maneho praktiká di partisipashon gubernamental di Entidat Públiko Boneiru (07-05-2024), e miembronan di Konseho Insular a bai unánimemente di akuerdo ku e desishon di Konseho Insular pa establesé dos enkuesta di Konseho Insular i e Ordenansa Insular di Enkuesta di Konseho Insular 2023. Lo nombra den e siguiente reunion di Konseho Insular e por lo ménos tres miembro i miembronan suplente di e komishon di investigashon preliminar ‘Integridat atministrativo relashoná ku kumplimentu di e regulashon eksistente’ i e komishon di investigashon preliminar ‘di e maneho praktiká relashoná ku Selibon N.V., otro partisipashonnan di gobièrnu i otro entidatnan ku pa ordenansa ta enkargá pa kobra premi i belasting i ku ta outorisá pa imponé sanshon atministrativo i penal lokal'. Ámbos komishon mester formulá e tarea pa e investigashon i reportá esaki na Konseho Insular denter di dos luna. Despues di esaki por nombra e miembronan di e Komishon di Enkuesta, por instituí e Komishonnan di Enkuesta i por ofisialisá e investigashonnan.
E komishonnan di investigashon ta haña asistensia di e Grefir di e Isla, ta reportá, na final di e investigashon, esaki por eskrito na Konseho Insular.